၁. Tokutei Ginou စနစ်ဆိုသည်မှာ

နိုင်ငံခြားသားအလုပ်သမားများအတွက် ၂၀၁၉ခုနှစ် ဧပြီလကစပြီးခွင့်ပြုထားသော ဗီဇာအသစ်ဖြစ်သည်။ လုပ်သားလိုအပ်ချက်မြင့်မားသော လုပ်ငန်း ၁၄ မျိုးအတွက် နိုင်ငံခြားလုပ်သားများကိုခွင့်ပြုပေးလိုက်ခြင်းဖြစ်သည်။

ယခင်ရှိပြီးသား Training Visa နှင့်မတူဘဲ

ကျွမ်းကျင်ပြီးသားလုပ်သားများကို ခန့်အပ်နိုင်ခြင်း

အလုပ်ကြိုးစားသောနိုင်ငံခြားလုပ်သားများကို ခန့်အပ်နိုင်ခြင်း

၅နှစ်အထက်တောက်လျှေက် အလုပ်လုပ်ကိုင်ခွင့်ရှိခြင်း

Tokutei Ginou အဆင့် ၂ ဖြစ်သွားရင် မိသားစုကိုပါဂျပန်ကိုခေါ်ထားနိုင်ခြင်း

စသည့် လုပ်သားအလွန်လိုအပ်နေသော ကုမ္ပဏီများအတွက် “ နှစ်ကာလရှည်အတူတူလက်တွဲမဲ့ဝန်ထမ်း” ကို အလုပ်ခန့်အပ်နိုင်မှာ ဖြစ်ပါတယ်

Training Visa စနစ်မှာ

“ နည်းပညာသင်ယူခြင်း” ကို ရည်ရွယ်ချက်တစ်ခုအနေနဲ့ ပြုလုပ်ထားသော်လည်း

Tokutei Ginou Visa စနစ်မှာ

သတ်မှတ်ထားသောကျွမ်းကျင်မှုနှင့်နည်းပညာများရှိသည့် ချက်ခြင်းလုပ်ငန်းခွင်ဝင်နိုင်မည့်နိုင်ငံခြားသားများကို အထူးသဖြင့်လုပ်သားအလွန်လိုအပ်နေသောလုပ်ငန်းများတွင် ခေါ်ယူခန့်အပ်နိုင်မည်ဖြစ်သည်

၂. Tokutei Ginou အလုပ်အကိုင် ၁၄ မျိုး

ဆောက်လုပ်ရေးလုပ်ငန်း

ဟိုတယ်လုပ်ငန်း

ငါးလုပ်ငန်း

စက်ပစ္စည်းကုန်ကြမ်းထုတ်လုပ်ရေးလုပ်ငန်း

သင်္ဘောကျင်းလုပ်ငန်း

သက်ကြီးရွယ်အိုပြုစုစောင့်ရှောက်ရေးလုပ်ငန်း

စားသောက်ကုန်ထုတ်လုပ်ရေးလုပ်ငန်း

လျှပ်စစ်ပစ္စည်းထုတ်လုပ်ရေးလုပ်ငန်း

ကားစက်ပြင်လုပ်ငန်း

အဆောက်အအုံသန့်ရှင်းရေးလုပ်ငန်း

စားသောက်ဆိုင်ဝန်ဆောင်မှုလုပ်ငန်း

လေဆိပ်လုပ်ငန်း

လယ်ယာစိုက်ပျိုး‌ရေးလုပ်ငန်း

ကုန်ကြမ်းပစ္စည်းထုတ်လုပ်ရေးလုပ်ငန်း

၃. Tokutei Ginou ဗီဇာ၏နေထိုင်ခွင့်များ

Tokutei Ginou အဆင့် ၁

အဆင့် ၁ တွင် သတ်မှတ်ထားသောကုန်ထုတ်လုပ်ငန်းများအတွက် သင့်တင့်သောအရည်အချင်းနှင့်အတွေ့အကြုံရှိသောနိုင်ငံခြားသားများကို နေထိုင်ခွင့်ပေးသော ဗီဇာအမျိုးအစားဖြစ်သည်

ဂျပန်နိုင်ငံတွင် စုစုပေါင်း၅နှစ် နေထိုင်ခွင့်ရှိပြီး မိသားစုကိုခေါ်ယူခွင့်မရှိပါ

ဂျပန်နိုင်ငံအနေဖြင့် Tokutei Ginou လုပ်သားများကို ပိုမိုခေါ်ယူရန်အစီအစဉ်ရှိသော်လည်း ကိုရိုနာရောဂါအတွက်စည်းမျဉ်းစည်းကမ်းများ ချမှတ်ဆောင်ရွက်နေရသဖြင့် ယခုလက်ရှိတွင် Training Visa သက်တမ်းပြည့်သူများသာ Tokutei Ginou သို့ကူးပြောင်း၍ ခန့်အပ်နိုင်ပါသေးသည်။

Tokutei Ginou အဆင့် ၂

အခြေခံအားဖြင့် Tokutei Ginou အဆင့် ၁ ပြီးဆုံးပြီးသူများအတွက် တစ်ဆင့်ထပ်တိုး ခန့်အပ်သည့်ဗီဇာအမျိုးအစားဖြစ်သည်

၂၀၂၁ခုနှစ်အထိ

ဆောက်လုပ်ရေးလုပ်ငန်းနှင့် သင်္ဘောကျင်းလုပ်ငန်း ၂ခုကိုသာခွင့်ပြုပေးထားသော်လည်း

၂၀၂၂မှစ၍

ကျန်ရှိလုပ်ငန်းတော်တော်များများကိုလည်း အဆင့် ၁ မှ အဆင့် ၂ သို့ သက်တမ်းတိုးခွင့်ကို ခွင့်ပြုထားပါသည်။

Tokutei Ginou အဆင့် ၂ ဖြစ်ခဲ့လျှင်

မိသားစုအားခေါ်ယူနိုင်ခွင့်

ဗီဇာနှစ်အကန့်အသတ်မရှိအလုပ်လုပ်ခွင့်

စသည့် နှစ်ရှည်အလုပ်လုပ်နိုင်သော နိုင်ငံခြားသားလုပ်သားများကို ခန့်အပ်နိုင်မည်ဖြစ်ပါသည်။

၄. Tokutei Ginou နှင့် Training Visa ခွာခြားချက်

Training Visa တွင် “ အပြည်ပြည်ဆိုင်ရာကူညီဆောင်ရွက်မှု” “ ဖွံဖြိုးဆဲနိုင်ငံများအတွက်နည်းပညာကူးပြောင်းရေး” စသည်များက ရည်ရွယ်ချက်ဖြစ်သည်။

ထိုအတွက်ကြောင့် “ အလုပ်သမား” မဟုတ်ဘဲ ဂျပန်နိုင်ငံနည်းပညာကို သင်တန်းသားများကိုသင်ပေးရသည့်ရည်ရွယ်ချက်ရှိသောကြောင့် အလုပ်သမားအဖြစ်သတ်မှတ်ထားခြင်းမရှိပါ။

Tokutei Ginou သည် နိုင်ငံခြားသားများကို “ အလုပ်သမား” အဖြစ် အလုပ်ခန့်အပ်ခွင့်ရှိပြီး ကျွမ်းကျင်ပြီးလုပ်သားများကို ခန့်အပ်နိုင်ခြင်း ကျယ်ပြန့်တဲ့လုပ်ငန်းတော်တော်များများတွင် ခန့်အပ်နိုင်သည့် အကျိုးကျေးဇူးများရှိသည်။

ကာလကြာမြင့်စွ

ာအတူတကွလုပ်ကိုင်ပေးမည့်အလုပ်သမားကိုခန့်အပ်လို့ပါက Tokutei Ginou စနစ်ကိုအသုံးပြုပြီးခန့်အပ်ကာ လုပ်သားကိုပြုစုပျိုးထောင်သွားနိုင်ပါသည်။

Credit- Gobit